ETZ'ENEM TZIJ CHISTES
Autora: Magdalena Antret Chicaj
O jun achi reqam waqib’ uchim chi lik al upam xaq lik kosnaq chik che i b’e rumali xutak'b'a jun ch'ich', are uri xutz'onoj che achi chi ok’awnaq i ch'ich'. ¿Ni'pa kinak'am wi b'ik k'a Rab'inal? I achi xub'ij che: cha juwinaq. A… ¿Ni'pa kak'am wi b'i inchim, xcha? Ile katoj taj, xutixik. Cha’ana utzili chwe chak'ama b'i inchim, yin kin-e chaqan, xcha.
O jun chuchxel xub'ij che i rak'al: wak'al jatz'onoj pich' qakab' che qachalal. I ak'al x-ek, are xtzalij loq xub'ij che uchuch: nan, i qachalal xusipaj ta li pich' qakab', xcha. Xuy laj ati ixoq, wo'or chqakojo ri qe yoj, xcha i chuchxel.
O jun ak'al ktijin uqajaw chutaqexik i anem chupam i ka’ayb’al ch'ich'. I ak'al le xutz'onoj che uqajaw: Tat, b'uchak i achiab' le ketijin che i anem. I uqajaw xub’ij: Man pachin jun kupon nab'e k’a chila ipa b’ital wi, kya’ jun usipon; xcha. ¿B'uchak uri pa'anem je o i jub'an le we xa jun kya’ usipon? Xcha i ak’al.
O jun achi aj-anol mexa xok b'i ipa kk'ayix wi jalajuj taq chakb'al, are uri xutz'onoj: o klawux awu', ntaj xutixik; o tz'ajb'al ja awu’, ntaj xb’ix che; moq o jun qochb'al tz'alam awu’, k'isnaq xutix tan chik. Are uri ire xub’ij: lik nti o awu', utz chatz'apij, xcha. Kwaj neri kintz’apij xwiri nti pispiy re tz’apb’al uchija, xub’ij ajk’ay.
Xintij ti inwa we' man lik katinch'ob'o, xintij ti inwa pa'ij man lik katinch'ob'o, xintij ti inwa xqaj ij man lik katinch'ob'o xaq i cha'ab' xinwar taj man lik kinumik.
O jun winaq xutz’onoj che jun aj Panima: kariq mux yet. Ire xub’ij: Kinriqo nim laj winaq. Ipa xatijoj wi awib’; pa ya, xcha.
