Chomaltzij che i tijonel / Poema dedicado al maestro

 

Lo'laj tijonel, wo'or lik a'ij iri

rumali kinb'ij chawe chi lik nim a'ij

lik ru' kikotemal kintzijoj chawe

chi yet lik ru' nim laj ano'oj

 keatijoj atijoxelab', ij  ij.

 

Lik ru' kikotemal ni'pa aweta'am

kak'ut chke ak'alab'

jun saqil laj ch'ob'onik

jun chom laj nojb'al

re kik'aslemal ru' kalk'uwal

chi arewi kkitzukuj i saq laj tzij.

 

Lo'laj tijonel, mantiox chawe

Rumal ni'pa kattijin chutikik

Pa kanima xaq pkinojb'al atijoxelab' wo'or,

Man chweq kab'ij, katkikuxtaj katkinataj

atijoxelab', rumal ni'pa utzil chomal

xatik kan pkinojb'al xaq pkik'ux.

Chomaltzij che intinimit K'ub'ul / Poema a mi bello pueblo de Cubulco

Lo'laj intinimit K'ub'ul,

lik chom lo'laj a'anal araxal,

aya'om chike ami'al awalk'uwal,

ipa aya'om wi kib'inik kiya'anik,

chwach lo'laj ij saq re kik'aslemal.

 

Man xaya ink'aslemal, innojb'al

xaq inb'inik chachi' chawach,

chrok'axik lo'laj inpatan.

Xaq kintioxij chawe lo'laj Tz'aqol B'itol,

re i kaj ulew, nim laj Ajaw kaj Ajaw ulew,

lik kink'amwaj kintioxij chawe,

no'oj maniox.

 

Lik nti jun kmajawik pacha lo'laj achomal yet,

man lik kakotz'ijinik, kwalch'inik,

pacha usal ij chi lik krepratik,

lik kinya lo'laj a'ij intinimit K'ub'ul,

xaq k'ax katinna'o ru' lo'laj wanima.